Իսրայելի վարչապետի ելույթը բոյկոտել են լայնածավալ սուլոցներով

Իսրայելի վարչապետ Բենիամին Նեթանյահուն ՄԱԿ-ի Գլխավոր ասամբլեայում իր ելույթի ժամանակ լայնածավալ սուլոցների և բոյկոտի է ենթարկվել։ Այս մասին հայտնում են իսրայելական լրատվամիջոցները։

Իր ելույթի հենց սկզբում բազմաթիվ պատվիրակությունների ներկայացուցիչներ լքեցին դահլիճը, իսկ Նեթանյահուին բազմիցս ընդհատում էին դահլիճի ճիչերը։ Պատճառը՝ Իսրայելի կառավարության դիրքորոշումն էր Մերձավոր Արևելքի կարգավորման և Պաղեստինի տարածքներում ստեղծված իրավիճակի վերաբերյալ։

Իր ելույթում Նեթանյահուն ասել է, որ Գազան շրջապատված է բարձրախոսներով, որոնք այս պահին հեռարձակում էին իր ուղերձը ՄԱԿ-ի նիստից, և նա դիմել է իսրայելցի պատանդներին՝ ասելով, որ երկիրը չի կանգնի, մինչև նրանցից յուրաքանչյուրը ազատ չարձակվի։

Իսրայելի վարչապետը պահանջել է, որ Համասը վայր դնի զենքը և կատարի Իսրայելի պահանջները։ Նեթանյահուն  ՄԱԿ-ի Գլխավոր ասամբլեայից կոչ է արել միջազգային հանրությանն անհապաղ վերականգնել Իրանի դեմ պատժամիջոցները։

«Իրանն ակտիվորեն մշակում էր միջուկային զենքի և բալիստիկ հրթիռների ծրագիր։ Այդ ծրագրի նպատակ՝ Իսրայելի ոչնչացումն էր, ինչպես նաև Միացյալ Նահանգներին սպառնալը», - ասել է Իսրայելի վարչապետը։