Ռուսաստանը և Բելառուսը ճանաչել «ահաբեկչության հովանավոր պետություններ». ԱՄՆ սենատոր

ԱՄՆ սենատորները առաջարկում են Ռուսաստանը և Բելառուսը ճանաչել որպես «ահաբեկչության հովանավոր պետություններ», այս մասին գրում է Axios գործակալությունը:

Հրապարակումը նշում է, որ ԱՄՆ օրենսդրության համաձայն, ցուցակում ներկայումս ներառված են Կուբան, Իրանը, Հյուսիսային Կորեան և Սիրիան։

«Դժվար է ընդգրկվել այդ ցուցակում։ Բայց ես ձեզ կասեմ, որ Ռուսաստանը վաստակել է դրա մեջ լինելու իրավունքը», - ասել է ԱՄՆ սենատոր Լինդսի Գրեհեմը։

Ինչպես նշվում է հոդվածում, օրինագիծը նախատեսում է Ռուսաստանին և Բելառուսին ճանաչել որպես ահաբեկչության հովանավորներ, եթե նրանք «չվերադարձնեն ավելի քան 19,000 երեխաների, որոնք, ըստ Ուկրաինայի, առևանգվել են հակամարտության ընթացքում»։