Մենք պետք է լուծում առաջարկենք. Թունյանը՝ հայտարարագրման համակարգի բարելավման մասին

 Ինչպես խոստացել էինք, մինչև տարեվերջ պիտի հայտարարագրման համակարգի բարելավմանը վերաբերող փաթեթ ներկայացնենք, որպեսզի մարդկանց կյանքն ավելի հեշտացնենք՝ հաշվի առնելով, որ հաջորդ տարի հայտարարատու են դառնալու ևս 500 հազար քաղաքացիներ: Հատկապես խոսքս վերաբերում է թոշակառուներին: Այդ մասին Ազգային ժողովի այսօրվա նիստում ասել է «Քաղաքացիական պայմանագիր» խմբակցության պատգամավոր Բաբկեն Թունյանը:

«Այդ հանգամանքը հաշվի առնելով՝ մենք պետք է լուծում առաջարկենք, որ իրենց համար բարդություններ չլինեն: Իմ կարծիքով՝ այդ լուծումն ընդունելի կլինի բոլորի կողմից»,- ասել է Թունյանը:

Հիշեցնենք, ավելի վաղ ՊԵԿ նախագահը մանրամասներ էր հայտնել՝ ինչ է սպասվում հայտարագիր չլրացնելու դեպքում: