Իրանի բոլոր հարստացված միջուկային նյութերը փլատակներում են. Արաղչի

Իրանի բոլոր հարստացված միջուկային նյութերը Իսրայելի և ԱՄՆ-ի հարվածներից հետո գտնվում են միջուկային օբյեկտների փլատակներում: Այս մասին,  հայտարարել է Իրանի ԱԳ նախարար Աբբաս Արաղչին։

«Այդ նյութերի հասանելիությունը և դրանց վիճակը ներկայում գնահատվում են իրանական Ատոմային էներգիայի կազմակերպության մասնագետների կողմից», - ասել է Արաղչին:

Նա նաև նշել է, որ միջուկային նյութերի վիճակի գնահատումից հետո Իրանի Ատոմային էներգիայի կազմակերպությունը զեկույց կկազմի, որը կփոխանցի երկրի ազգային անվտանգության խորհրդին: Դրանից հետո խորհուրդը որոշում կկայացնի։ Ավելի վաղ ՄԱԳԱՏԷ-ի գլխավոր տնօրեն Ռաֆայել Գրոսին հայտարարել էր, որ գործակալությունը Իրանից տեղեկատվություն չի ստացել բարձր հարստացված ուրանի պաշարների գտնվելու վայրի վերաբերյալ: