Կոստան կոչ է արել Պուտինին ուղիղ բանակցություններ սկսել Զելենսկու հետ

Եվրոպական խորհրդի ղեկավար Անտոնիո Կոստան կոչ է արել ՌԴ նախագահ Պուտինին ուղիղ բանակցություններ սկսել Ուկրաինայի նախագահ Զելենսկու հետ։

Եվրոպական խորհրդի ղեկավարը նշել է, որ նախագահ Թրամփի նախաձեռնությունը նոր դինամիկա է ստեղծել, և Զելենսկին ընդունել է այն, մինչդեռ Պուտինը շարունակում է հետաձգել երկխոսությունը։

Կոստան հիշեցրեց, որ Ալյասկայում Ռուսաստանի առաջնորդը խոստացավ բանակցություններ սկսել, բայց փոխարենը ակտիվացրեց հարձակումները ուկրաինական քաղաքների վրա։

«Եթե մենք խաղաղություն ենք ուզում, խնդրում եմ, եկեք նախագահ Զելենսկու մոտ և սկսեք խաղաղության բանակցություններ», - ասաց Կոստան։