Դիվանագիտական լուծումը դեռ հնարավոր է․ Կալասը՝ Իրանի միջուկային ծրագրի վերբերյալ
Իրանի միջուկային խնդրի դիվանագիտական լուծումը դեռ հնարավոր է, Եվրամիությունը պատրաստ է մասնակցել դրան։ Այս մասին հայտարարել է եվրոպական դիվանագիտության ղեկավար Կայա Կալասը ՄԱԳԱՏԷ-ի գլխավոր տնօրեն Ռաֆայել Գրոսիի հետ հանդիպումից հետո։
Այսօր ավելի վաղ Իրանի ատոմային Էներգիայի կազմակերպության փոխնախագահ և ղեկավար Մոհամմադ Էսլամին հայտարարել էր, որ Իրանի ԱԳՆ-ն և ՄԱԳԱՏԷ-ն նախատեսում են բանակցությունների երրորդ փուլն անցկացնել, չնայած ՄԱԳԱՏԷ-ի գլխավոր տնօրեն Ռաֆայել Գրոսին «գլխավոր խնդիրն» է գործակալության հետ Թեհրանի փոխգործակցության վերսկսման համար:
«Իրանի համար չափազանց կարևոր է թափանցիկություն և համակողմանի համագործակցություն ապահովել ՄԱԳԱՏԷ-ի հետ։ Իրանի միջուկային խնդրի լուծման դիվանագիտական հնարավորությունները շարունակում են բաց մնալ, և ԵՄ-ն պատրաստ է իր ներդրումն ունենալ դրանում: Այսօր ես հանդիպել եմ Ռաֆայել Գրոսիի հետ և հաստատել եմ իմ լիակատար աջակցությունը նրա աշխատանքին»,-նշել է Կալասը X սոցցանցում։
Իրանի նախագահ Մասուդ Փեզեշքիանը հուլիսի 2-ին հրամանագիր է ստորագրել ՄԱԳԱՏԷ-ի հետ համագործակցությունը կասեցնող օրենքի իրագործման մասին: Հրամանագրի հրապարակումից հետո գործակալության տեսուչներն արտաքսվել են երկրից։ Իրանի արտգործնախարար Արաղչին նշել է, որ չնայած ՄԱԳԱՏԷ-ի հետ փոխգործակցությունը դադարեցնելու երկրի որոշմանը, համագործակցության ուղիները փակ չեն:
Իրանում որպես համագործակցության վերականգնման պայման նշել են Իրանի միջուկային օբյեկտների և ատոմային գիտնականների անվտանգության ապահովումը: Փոխգործակցության դադարեցումը կապված է ՄԱԳԱՏԷ-ի և Գրոսսիի հասցեին Իրանի քննադատության հետ՝ կապված Ֆորդոյում, Սպահանում և Նաթանզում միջուկային օբյեկտներին ԱՄՆ-ի և Իսրայելի հարվածների ֆոնին անգործության հետ:
