Բոլորը պետք է կատարեն իրենց դերը Եվրոպայում անվտանգության համար. Լուկաշենկո
Բելառուսի նախագահ Ալեքսանդր Լուկաշենկոն ասել է, որ Եվրոպայում անվտանգությունը պետք է լինի անբաժանելի և ընդհանուր, բոլորը պետք է կատարեն իրենց դերը, այդ թվում՝ Մինսկը և Մոսկվան, և հնարավոր է՝ նաև Միացյալ Նահանգները։
«Անվտանգությունը պետք է լինի անբաժանելի։ Այն պետք է ընդհանուր լինի մեզ՝ եվրոպացիներիս համար։ Եվ բոլորը պետք է կատարեն իրենց դերը այս անվտանգության համակարգում՝ Բելառուսից և Ռուսաստանից մինչև Անգլիա, Գերմանիա և այլն։ Հնարավոր է՝ առաջատար երկրի՝ Ամերիկայի Միացյալ Նահանգների մասնակցությամբ», - ասել է Լուկաշենկոն China Media Corporation-ին տված հարցազրույցում։
«Եվ, ամենակարևորը, մեզ անհրաժեշտ են անվտանգության երաշխիքներ։ Մենք պետք է համաձայնության գանք. ահա անվտանգության երաշխիքները, և եթե դրանք խախտվեն, պատասխանը այսպես, թե այնպես կլինի»,- հավելել է Լուկաշենկոն։
