Ռուբեն Հակոբյանի խափանման միջոցը վերացվել է

Երևանի ընդհանուր իրավասության դատարանը վերացրել է Ազգային ժողովի նախկին պատգամավոր Ռուբեն Հակոբյանի խափանման միջոցը։ 

Դատավոր Դավիթ Արղամանյանի որոշմամբ՝ Հակոբյանի խափանման միջոցը կալանքից փոխվեց չբացակայելու արգելքով, ինչի արդյունքում նա ազատ է արձակվել դատարանի դահլիճից։ Նախկինում դատարանի որոշմամբ Ռուբեն Հակոբյանը երկու ամսով կալանավորվել էր։ Ըստ Քննչական կոմիտեի տվյալների՝ Հակոբյանը 2025 թվականի հուլիսի 1-ին լրատվամիջոցին տված հարցազրույցում հանդես էր եկել իշխանությունը զավթելուն ուղղված հրապարակային կոչերով։ Դրա հիման վրա հուլիսի 18-ին քննիչի միջնորդությամբ և դատախազի որոշմամբ նրա նկատմամբ հարուցվել էր հանրային քրեական հետապնդում՝ ՀՀ քրեական օրենսգրքի 422-րդ հոդվածի 2-րդ մասով։