Առանց տեղումների, շոգ եղանակ է սպասվում. եղանակը՝ Հայաստանում
Հայաստանի Հանրապետության տարածքում օգոստոսի 21-25-ին սպասվում է առանց տեղումների եղանակ: Տեղեկությունը հայտնում է Հիդրոօդերևութաբանության և մոնիտորինգի կենտրոնը։
Նշվում է, որ երեկոյան ժամերին Արմավիրում, Կոտայքի և Արագածոտնի նախալեռներում սպասվում է քամու ուժգնացում՝ 15-18 մ/վ արագությամբ։
Օդի ջերմաստիճանն էապես չի փոխվի։
Երևան քաղաքում ևս օգոստոսի 21-25-ին սպասվում է առանց տեղումների եղանակ։ Երեկոյան ժամերին կրկին սպասվում է քամու ուժգնացում՝ 14-18 մ/վ արագությամբ։
Գերատեսչությունից զգուշացնում են, որ օգոստոսի 20-25-ին Շիրակում, Արարատյան դաշտում, Արագածոտնի, Կոտայքի և Վայոց Ձորի նախալեռներում, Սյունիքի հովիտներում, ինչպես նաև Երևանում սպասվում է բարձր կարգի հրդեհավտանգ իրավիճակ։
