Թրամփն ուզում է նայել Պուտինի աչքերին․ Ամերիկան ոչինչ չի զիջի․ Մարկո Ռուբիո
Պուտինի և Թրամփի հանդիպումը ԱՄՆ-ի կողմից զիջում չի լինի, այս մասին հայտարարել է ԱՄՆ պետքարտուղար Մարկո Ռուբիոն:
Նա ուշադրություն է հրավիրել այն փաստի վրա, որ որոշ մարդիկ «խելագարվում են»՝ հանդիպման կազմակերպման մեջ տեսնելով Ռուսաստանի նախագահի հաղթանակը:
«Հանդիպումը կանցկացնեն պարզելու և որոշում կայացնելու համար: Թրամփը ցանկանում է տեղեկանալ բոլոր փաստերի մասին, նայել Պուտինի աչքերին: Հենց դրան է ուզում հասնել նախագահը։ Անկեղծ ասած, կարծում եմ, որ այս հանդիպման ժամանակ մենք բավականին շուտ կհասկանանք՝ այս գործը հաջողության հասնելու որևէ շանս ունի, թե՞ ոչ»,- ասել է ԱՄՆ պետքարտուղար Մարկո Ռուբիոն անդրադառնալով Ուկրաինայի շուրջ տեղի ունեցողին:
