Իսրայելական բանակը՝ Գազայում ահաբեկչական թիրախների ոչնչացման մասին

Իսրայելական բանակը շարունակում է հարձակվել Գազայի հատվածում գտնվող ռազմական օբյեկտների և արմատական ստորաբաժանումների վրա: Ինչպես հայտնել է բանակի մամուլի ծառայությունը, «զորքերը գործողություն են իրականացնում ահաբեկչական կազմակերպությունների դեմ պաղեստինյան անկլավի ողջ տարածքում»:

Մասնավորապես, Դեյր-Էլ-Բալախի շրջանում իսրայելցի զինվորականները հարվածներ են հասցրել Պաղեստինյան «Իսլամական ջիհադի» ահաբեկիչների խմբին։

Մամուլի ծառայության տեղեկատվության համաձայն՝ անկլավի հարավում գտնվող Խան Յունիսի արևմտյան մասում «զորքերը ոչնչացրել են այն կառույցը, որից ականանետային գնդակոծություն է իրականացվել» իրենց ուղղությամբ:

Բացի այդ, Գազայի հատվածի հյուսիսային և կենտրոնական մասերում Իսրայելի պաշտպանության բանակը «վերացնում է ահաբեկիչներին և ոչնչացնում ահաբեկչական թիրախները»։