Մանրամասները չենք հայտնում, բայց թշնամին զգում է մեր գործողությունների հետևանքները․ Զելենսկի

Ուկրաինայի նախագահ Վլադիմիր Զելենսկին հաստատել է Ուկրաինայի անվտանգության ծառայության կողմից Ռուսաստանի դեմ նոր գործողությունների իրականացումը։ Այս մասին Վլադիմիր Զելենսկին «X»-ի իր էջում պատմել է Ուկրաինայի անվտանգության ծառայության ղեկավար Վասիլ Մալյուկի հետ հանդիպման մասին։

«Մենք մանրամասները չենք հրապարակում, բայց թշնամին զգում է մեր գործողությունների հետևանքները։ Հատուկ ուշադրության են արժանի SBU-ի արդյունքները տարվա առաջին կեսին ռուսական ՀՕՊ համակարգերի ոչնչացման գործում։

Սա զգալիորեն նպաստում է մեր հեռահար հարվածներին ռուսական ռազմական մեքենայի և ռուսական ռազմական տնտեսության օբյեկտների դեմ։ Ես արդեն համակարգել եմ որոշ գործողություններ», - հավելել է Ուկրաինայի նախագահը։