Հնդկաստանը կտրուկ է արձագանքել ԱՄՆ-ի որոշումներին

Նյու Դելին կտրուկ է արձագանքել ռուսական նավթի գնումների պատճառով լրացուցիչ մաքսատուրքեր սահմանելու ԱՄՆ-ի որոշմանը: Այս մասին հայտնում է «Ռիա Նովոստի»-ն։

Հնդկաստանի արտաքին գործերի նախարարության պաշտոնական հայտարարության մեջ ընդգծվում է, որ ածխաջրածինների գնումներն իրականացվում են շուկայական պայմաններով և թելադրված են երկրի 1,4 միլիարդ քաղաքացիների համար էներգետիկ անվտանգություն ապահովելու անհրաժեշտությամբ:

Հնդկաստանի իշխանությունները նոր մաքսատուրքերն անվանել են «անարդար, անհիմն և անընդունելի» ՝ ընդգծելով, որ շատ պետություններ գործում են նույն կերպ ՝ առաջնորդվելով ազգային շահերով: Նյու Դելին հայտարարել է իր տնտեսական ինքնիշխանությունը պաշտպանելու համար անհրաժեշտ բոլոր միջոցները ձեռնարկելու պատրաստակամության մասին: