Թեհրանի միջուկային ծրագրի հարցը զուտ պատրվակ է․ պայքարն Իրանի դեմ է․ Ալի Խամենեի
Ուրանի հարստացման և Թեհրանի միջուկային ծրագրի խնդիրները միայն պատրվակ են Իրանին դիմակայելու համար, հայտարարել է Իրանի գերագույն առաջնորդ Ալի Խամենեին, գրում է «Ռիա Նովոստի»-ն։
«Այն, ինչ Արևմուտքն անվանում է «միջուկային հարստացում», «մարդու իրավունքներ» և այլն, պատրվակ է Իրանի հավատքի և գիտության դեմ պայքարելու համար»,- ասել է Խամենեին։
Հավելենք՝ Իսլամական Հանրապետության զինված ուժերի գլխավոր շտաբի պետ, գեներալ-լեյտենանտ Աբդուլրահիմ Մուսավին հայտարարել էր․ «Մենք չենք վստահում ԱՄՆ-ի և սիոնիստական ռեժիմի (Իսրայելի) խոսքերին ու խոստումներին, մենք լիովին պատրաստ ենք ապագայում հետ մղել նրանց հարձակումը»։
