Մինսկում` բելառուսական ՀՕՊ-ն անհայտ ծագման ԱԹՍ է ոչնչացրել
Հուլիսի 29-ի լույս 30-ի գիշերը Մինսկում՝ Ֆրունզենսկի շրջանում, անօդաչու թռչող սարքը հարվածել է Մատուսևիչի փողոցի տներից մեկին, այնուհետև ընկել է կայանված մեքենայի վրա և պայթել։ Դեպքի մասին տեղեկատվությունը տրամադրել է տեղի բնակիչներց մեկը, հաղորդում է «Զերկալոն»։
Ականատեսների վկայությամբ՝ միջադեպը տեղի է ունեցել գիշերը ժամը 2:00-ի սահմաններում:
Նշվում է, որ անհայտ ծագման ԱԹՍ-ն ընկել է այն տան բակն, որում մանկապարտեզ է գտնվում, ինչը լրացուցիչ մտահոգություններ է առաջացրել տարածքում անվտանգության վերաբերյալ։
Տեղական իրավապահ մարմինները դեռևս չեն մեկնաբանել միջադեպը: Պաշտոնական աղբյուրներում նույնպես միջադեպի մասին տեղեկություններ չկան: Այնուամենայնիվ, հայտնի է, որ ռուսական անօդաչու թռչող սարքերը պարբերաբար խախտում են Բելառուսի օդային տարածքը:
