Զրպարտության փաստերով դատարան կներկայացվի 150 դատական հայց. Բագրատ Սրբազանի փաստաբան
«Սրբազան պայքար» շարժման գործով կալանավորվածների դեմ զրպարտության և վիրավորանքի փաստերով քաղաքացիական դատարան կներկայացվի 150 դատական հայց։ Այս մասին ասուլիսի ժամանակ հայտնել է արքեպիսկոպոս Բագրատ Գալստանյանի փաստաբան Հովհաննես Խուդոյանը։
«Բոլոր նրանք, ովքեր ակտիվորեն տարածում են զրպարտություն և վիրավորանքներ, խախտում են կալանավորվածների անմեղության կանխավարկածը։ Այս պահին խոսքը մոտ 150 մարդու մասին է»,- ասել է Խուդոյանը՝ հույս հայտնելով, որ նյութական վնասը կարող է դառնալ զսպող գործոն նրանց համար, «ովքեր զուրկ են բարոյականությունից»։
