Քրեական գործ չկա, իրավական աբսուրդ է. փաստաբանը՝ Սամվել Կարապետյանի վարույթի մասին
Սամվել Կարապետյանի գործը մի առանձնահատկություն ունի, այստեղ ընդհանարպես քրեական գործ չկա: Այս մասին հայտարարել է փաստաբան Արամ Վարդևանյանը՝ խոսելով Սամվել Կարապետյանի դեմ հարուցված քրեական վարույթի մասին։
Նա նշել է, որ Կարապետյանին մեղսագրում են արարք, որը ենթադրում է հստակ իշխանության զավթման կոչ, մինչդեռ ընդհանրապես առկա չէ որևէ կոչ։
«Սա իրավական աբսուրդ է։ Բայց իհարկե, աբսուրդն ունի ակունք, որտեղից ձևավորվեց այս աբսուրդը։ Բոլորս շատ լավ հիշում ենք, թե ինչ սկսեց կատարվել 2025 թ. հունիսի 17-ին»,- ասել է փաստաբանը:
Վերջինս հավելել է, որ ակնհայտ է, որ այս ամենը ստեղծշվեց նրանից ելնելով, որ սամվել Կարապետյանն արտահայտեց իր վերաբերմունքը մեր եկեղեցու, Մայր Աթոռի շուրջ ստեղծված իրավիճակի շուրջ։
«Սա նույնպես աքսիոմատիկ ճշմարտություն է։ Ասեմ ավելին, դրա հետ համաձայն է նաև քննիչը»,- ասել է Վարդևանյանը։
