300 կգ հերոին՝ Հայաստանից մուտք գործած բեռնատարում . Վրաստանի ՆԳՆ

Վրաստանի մաքսային ծառայության աշխատակիցները Հայաստանից մուտք գործած բեռնատարում հայտնաբերել են գրեթե 300 կգ հերոին, հայտնում է Սպուտնիկ գործակալության վրացական ծառայությունը՝ Ներքին գործերի նախարարությանը հղումով:

Մաքսային փաստաթղթերի համաձայն՝ բեռնատարը բեռնված է եղել հրակայուն աղյուսներով։ Իրականում այն ​​պարունակում էր թմրանյութեր, որոնք պետք է Բաթումիով տեղափոխվեին Եվրոպա։

Բեռնատարի կցորդի մանրամասն ստուգման ժամանակ մաքսային ծառայողները հայտնաբերել են աղյուսների նմանակող 600 պլաստիկե տարա։ Դրանք պարունակում էին 298 կգ հերոին, որի արժեքը կազմում էր 85 միլիոն լարի (31 միլիոն դոլար)։

Բեռնատարը վարել է Վրաստանի քաղաքացի։ Նրան սպառնում է մինչև 20 տարի ազատազրկում կամ ցմահ ազատազրկում։