Եկեղեցում կաթողիկոսի բռնի փոփոխությունը բացառվում է. Արքեպիսկոպոս Աջապահյան
«Կաթողիկոսը մնում է կաթողիկոս, մինչև Տերը հակառակը չասի։ Եկեղեցում կաթողիկոսի բռնի փոփոխությունը բացառվում է։ Այո, նրանք ցանկություն ունեն, բայց դա բացառվում է։ Իշխանությունները միջոցներ չունեն և չեն կարող ունենալ։ Մենք պատրաստ ենք ամեն ինչի»,- լրագրողների հետ զրույցում ասել է Շիրակի թեմի առաջնորդ Միքայել արքեպիսկոպոս Աջապահյանը:
Արքեպիսկոպոս Աջապահյանը վստահեցրել է՝ հոգևորականները ի վիճակի են պաշտպանելու եկեղեցին։
«Երբ Արցախում հոգևորականնեը զենքը ձեռքին կռվում էին, դա ի՞նչ էր նշանակում՝ չարությո՞ւն, թե՞ հայրենիքի պաշտպանություն։ Մենք՝ հոգևորականներս, ի վիճակի ենք եկեղեցին պաշտպանելու, եթե նույնիսկ ժողովուրդը մեզ միայնակ թողնի»,- լրագրողների հետ զրույցում ասել է Սրբազան Հայրը։
Միքայել Սրբազանը, սակայն, չի կարծում, որ ժողովուրդը եկեղեցուն միայնակ կթողնի։
«Եկեղեցին չարիքին չարով չի պատասխանում և, շարունակում է սիրել իր մերձավորին և, համապատասխանաբար, մարդկանց հրավիրում է եկեղեցական միջոցառումների։ Ճիշտ է, Աջապահյանն ինքը դեմ է դրան, բայց նա կհամաձայնվի մեծամասնության կարծիքի հետ»,- նշել է արքեպիսկոպոսը:
