Իրանում պայթյունից մահացածների թիվն ավելանում է
Իրանի Բանդար Աբաս քաղաքի Շահիդ Ռաջայի նավահանգստում տեղի ունեցած ուժգին պայթյունի հետևանքով մահացածների թիվը հասել է 36-ի։
Տուժածների թիվը գերազանցում է 1200-ը։ Մահացածների և տուժածների թիվը պարբերաբար ավելանում է։
Մայրաքաղաք Թեհրանում այսօր առավոտից կամավոր արյունատվության համար ավելի քան 1000 մարդ է դիմել։
Հիշեցնենք, որ Բենդեր Աբասում ապրիլի 26-ին հզոր պայթյուն է որոտացել։ ԶԼՄ–ների տեղեկություններով` պայթյունը եղել է նավամատույցում` վառելիքի ջրամբարի բռնկման հետևանքով։ Պայթյունի հետևանքով մի քանի կիլոմետր շառավղով պատուհաններ են կոտրվել։ Նշենք, որ Իրանի Հարավային Հորմոզգան նահանգի նահանգապետ Մոհամմադ Աշուրին նահանգում եռօրյա սուգ Է հայտարարել:
