«Ավազային ցունամին» ծածկել է Մեքսիկայի հյուսիսային հատվածը
Հզոր ավազամրրիկը ծածկել է Մեքսիկայի հյուսիսային հատվածը։
Տարերքը խաթարել է տրանսպորտի աշխատանքը: Չիուահուայի տեղական օդանավակայանը փակ է ինքնաթիռների թռիչքների և վայրէջքների համար, իսկ Պանամերիկյան մայրուղով երթևեկությունը դադարեցված է:
Տեղական իշխանությունների տվյալներով՝ «ավազային ցունամիի» հետևանքով տուժածների մասին տեղեկություններ այս պահին չեն ստացվել: Արտակարգ իրավիճակների պատասխանատուները շարունակում են վերահսկել իրավիճակը և բնակիչներին խորհուրդ են տալիս մնալ տանը՝ իրենց անվտանգության համար:
