Ավտոբուսը հետիոտնի է վրաերթի ենթարկել. մանրամասներ

Երևանում «MAN» մակնիշի ավտոբուսը, որը սպասարկում էր թիվ 36 երթուղին, Մաշտոց–Թումանյան փողոցների խաչմերուկում ժամը 13։30-ին վրաերթի է ենթարկել հետիոտնի։ Վրաերթի ենթարկվածը տեղափոխվել է հիվանդանոց: 

Auroranews-ի հետ զրույցում «Ավտոբուս ՓԲԸ» մամուլի խոսնակ Գեղամ Ասատրյանը հայտնեց, որ ըստ նախնական տեղեկությունների քաղաքացին ուսահոդի վնասվածք է ստացել։

«Բարեբախտաբար կյանքին վտանգ չի սպառնում։ Վարորդը կանգնել և փորձել է օգնություն ցուցաբերել՝ մինչ շտապօգնության ժամանելը»,-ասաց Ասատրյանը։

Լուսանկարները՝ Shamshyan-ի։