Կիևը չի կարողանում հմտորեն խաբել․ Պեսկով
Ուկրաինայի իշխանություններն իրենց նողկալի են պահում։ Կիևը չի կարողանում հմտորեն խաբել Վաշինգտոնին: Այս մասին հայտարարել է Ռուսաստանի նախագահի մամուլի քարտուղար Դմիտրի Պեսկովը, գրում է «ՏԱՍՍ»-ը։
«Բանն այն է, որ Կիևի վարչակազմը Վաշինգտոնի ներկա վարչակազմի հետ չի կարողանում լեզու գտնել։ Մենք տեսնում ենք, որ Կիևի ռեժիմի ներկայացուցիչների նման զզվելի պահվածքն այնքան էլ չի տպավորում ԱՄՆ նախագահ Դոնալդ Թրամփի ներկայիս վարչակազմի մոտ»,- ասել Է Պեսկովը։
Նրա խոսքով՝ շատ երկրներ, այդ թվում՝ Եվրոպայում, ուշադրություն են դարձնում Կիևի մեծամասամբ կեղծ դիրքորոշմանը այն հարցերի շուրջ, որոնցից կախված է կարգավորման կոնֆիգուրացիան։
«Խոսքը, այդ թվում, էներգետիկ ենթակառուցվածքներին հարվածների ժամանակավոր մորատորիումի մասին է։ Կիևը չի կարողանում վերահսկողության տակ պահել իր զորամասերը, ինչպես նաև զինվորականներին։
ԱՄՆ-ի հետ ունեցած ներկա հարաբերությունների մասին կասեմ, որ ամեն ինչ շատ լավ է, իհարկե, անհնար է սպասել ինչ-որ ակնթարթային արդյունքների, չափազանց բարդ խնդիրներ կան։ Մենք դեռ շատ քայլեր ունենք անելու»,-ասել Է Պեսկովը
