Երկու դեպքում էլ աղետալի իրավիճակ է․ Պեսկով

Կիևը կամ չի կարող, կամ չի ցանկանում պահպանել էներգետիկային հասցված հարվածների մորատորիումը։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, գրում է «ՏԱՍՍ»-ը։

«Ինչ արժե միայն էներգետիկ ենթակառուցվածքի օբյեկտներին հարվածներ հասցնելու ժամանակավոր մորատորիումը։ Այստեղ երկու տարբերակ կա՝ կամ Կիևի ռեժիմը չի ցանկանում պահպանել այդ մորատորիումը, կամ չի կարող, ինչպես նաև չի կարող վերահսկողության տակ պահել իր զորամասերը, իր զինվորականներին։ Երկու դեպքում էլ աղետալի իրավիճակ է»,- ասել է Պեսկովը։