Թրամփը հիասթափված է Մոսկվայի և Կիևի գործողություններից
Սպիտակ տնից հայտնել են, որ Սանկտ Պետերբուրգում ՌԴ նախագահ Վլադիմիր Պուտինի և ԱՄՆ նախագահի հատուկ բանագնաց Սթիվեն Ուիթքոֆի հանդիպումը դիտարկում են որպես ևս մեկ քայլ հրադադարի և Ուկրաինայում հակամարտության վերջնական կարգավորման ուղղությամբ, գրում է The New York Times-ը։
Միևնույն ժամանակ, Սպիտակ տան խոսնակը նշել է՝ ԱՄՆ նախագահը հիասթափված է Մոսկվայի և Կիևի գործողություններից:
Հավելենք, որ ԱՄՆ նախագահը Truth Social-ի իր էջում գրել է․
«Կոչ եմ անում Ռուսաստանին գործել, քանի որ չափից շատ մարդիկ են զոհվում: Ուկրաինայում շարունակվող պատերազմը՝ սարսափելի ու անիմաստ է»,- գրել է նա։
