Թեհրանը հաղթող դուրս կգա. Իրանի ԱԳՆ
Իրանը օգուտ կստանա Օմանում ԱՄՆ-ի հետ բանակցություններից, նույնիսկ եթե խորհրդակցությունները ձախողվեն։ Նման կարծիք է հայտնել Իսլամական Հանրապետության արտաքին գործերի նախարարի խորհրդական Մոհամմադ Հոսեյն Ռանջբարանը։
«Նույնիսկ եթե Մասկատի բանակցությունները ձախողվեն կամ շարունակություն ունենան, իսկ գուցե նույնիսկ հաջողությամբ ավարտվեն, ինչը քիչ հավանական է, դրանցից հաղթող դուրս կգան Իրանն ու իրանցի ժողովուրդը, քանի որ Թեհրանը պահպանել է իր արժանապատվությունը՝ պնդելով անուղղակի բանակցությունները», - գրել Է նա X սոցիալական ցանցի իր էջում:
Այսօր Օմանում ընթանում է Իրանի եւ ԱՄՆ-ի պատվիրակությունների խորհրդակցությունների առաջին փուլը: Հիմնական բանակցողներն են Իսլամական Հանրապետության ԱԳ նախարար Աբբաս Արաղչին և ԱՄՆ նախագահի հատուկ բանագնաց Սթիվեն Ուիթքոֆը: Իրանական կողմի հայտարարությունների համաձայն՝ բանակցությունները կընթանան Մասկատի միջնորդությամբ:
