Դա, մեղմ ասած, կատարյալ սուտ է. ՌԴ ԱԳՆ
ՌԴ փոխարտգործնախարար Անդրեյ Ռուդենկոն կատարյալ սուտ է անվանել այն հայտարարությունները, թե ՉԺՀ քաղաքացիները պատերազմում են Ուկրաինայում։
«Ես կարող եմ ասել, որ դա, մեղմ ասած, կատարյալ սուտ է», - ասել է նա ՏԱՍՍ-ին՝ պատասխանելով համապատասխան հարցին:
«Չինաստանը բավականին հավասարակշռված և ճշգրտված դիրքորոշում ունի Ուկրաինայի կարգավորման հարցում, և մենք շնորհակալ ենք մեր ընկերներին դրա համար», - ասել է նա:
Նախօրեին էլ Չինաստանի ԱԳՆ-ում են հայտարարել, որ Պեկինն իր զինծառայողներին չի ուղարկել ուկրաինական հակամարտությանը մասնակցելու համար, երկրի իշխանությունները քաղաքացիներից պահանջում են խուսափել մարտական գործողություններին ներգրավվելուց: Ավելի վաղ Ուկրաինայում սկսել էին տեղեկություններ տարածել մարտերին ՉԺՀ քաղաքացիների մասնակցության մասին։
