Այդ հարցը պետք է մնա օրակարգում․ Ուկրաինայի ԱԳՆ

Կիևի՝ ՆԱՏՕ-ին անդամակցելու հարցը չպետք է դուրս գա միջազգային հարաբերությունների օրակարգից։ Անթալիայում ընթացող դիվանագիտական համաժողովի ժամանակ հայտարարել է Ուկրաինայի արտգործնախարար Անդրեյ Սիբիգան։

«Մեր երկրի՝ ՆԱՏՕ-ին անդամակցության հարցը տրանսատլանտյան անվտանգության խնդիր է։ Դա նաև մեր երկրի ներդրման մասին է։ Ի վերջո, այս պահին Ուկրաինան ամենօրյա մարտական փորձով օժտված 110 բրիգադ ունի։ Դա իրական ներդրում է ապագա տրանսատլանտյան անվտանգության ապահովման գործում», - հայտարարել է Անդրեյ Սիբիգան։

Ուկրաինայի ԱԳ նախարարը հավելեց՝ Կիևի ռազմական ներուժի օգտագործումը դաշինքի համար «Քիչ ծախսատար կլինի քան մյուս տարբերակները»։