Նրա քայլերը խոստումնալից են, բայց դա դեռ վերջը չէ․ Ալիև
Ադրբեջանի նախագահ Իլհամ Ալիևը հայտարարել է այնպիսի արևմտյան կազմակերպությունների գործունեությունը կասեցնելու անհրաժեշտության մասին, ինչպիսիք են Human Rights Watch-ը, Amnesty International-ը և Transparency International-ը, որոնք Ռուսաստանում նույնպես ճանաչվել են որպես անցանկալի կազմակերպություններ։ Այս մասին նա հայտնել է՝ ելույթ ունենալով Բաքվում, «Դեպի նոր աշխարհակարգ» թեմայով միջազգային համաժողովում, գրում է «ՏԱՍՍ»-ը։
«Նախագահ Թրամփի ձեռնարկած քայլերը շատ խոստումնալից են, բայց դա դեռ վերջը չէ։ ԱՄՆ Միջազգային զարգացման գործակալությունն հսկաներից մեկն է և այն ամբողջովին կոռումպացված կազմակերպություն է։ Ազատություն և Ամերիկայի ձայն ռադիոկայանների գործունեությունը կասեցվել է, բայց դա բավարար չէ։ Անհրաժեշտ է կանխել այնպիսի ինստիտուտների գործունեությունը, ինչպիսիք են Human Rights Watch-ը, Amnesty International-ը, Transparency- ն, որոնք ծառայում են քաղաքական թշնամանքի», - ասել Է Ալիևը։
Հավելենք՝ ԱՄՆ նախագահ Դոնալդ Թրամփը հրամանագիր էր ստորագրել բյուրոկրատիայի դեմ պայքարի համար մի քանի գերատեսչությունների աշխատակիցների գործառույթների և աշխատանքի առավելագույն կրճատման մասին։
Թրամփի որոշման համաձայն՝ որոշ պետական կազմակերպություններ ստիպված կլինեն կրճատել իրենց գործառույթներն ու աշխատակիցների գործունեությունը՝ հասցնելով ամերիկյան օրենսդրությամբ նախատեսված նվազագույն մակարդակի:
