Կտրամադրենք Թրամփին, որպեսզի լուրջ միջոցներ ձեռնարկի․ Ալիև
Բաքուն մտադիր է Միացյալ Նահանգների նախագահ Դոնալդ Թրամփի վարչակազմին փոխանցել Հանրապետության տարածքում ԱՄՆ Միջազգային զարգացման գործակալության (USAID) անօրինական գործունեության վերաբերյալ փաստերը: Այս մասին հայտարարել է Ադրբեջանի նախագահ Իլհամ Ալիևը՝ ելույթ ունենալով «Դեպի նոր աշխարհակարգ» թեմայով միջազգային ֆորումում, գրում է «ՏԱՍՍ»-ը։
«Մեր գլխավոր դատախազությունն այժմ հետաքննում է USAID-ի անօրինական գործունեությունը, ինձ տեղեկացրել են նախաքննության մասին: Դրա արդյունքները ցույց տվեցին կազմակերպության հակաադրբեջանական ակտիվության մասշտաբները, և կառավարության աշխատանքը խաթարելու փորձերը, ինչպես նաև մեր ներքին գործերին միջամտելու բացահայտ փորձերը։ Մենք պետք է հասկանանք, թե ինչ է տեղի ունենում, երբ թղթապանակը պատրաստ լինի, մենք այն կներկայացնենք նախագահ Թրամփի վարչակազմին, որպեսզի նրանք կարողանան լուրջ միջոցներ ձեռնարկել կոռումպացված USAID -ի և նրա կոռումպացված ղեկավարների դեմ», - ասել է Ադրբեջանի նախագահը։
