Ուկրաինայում և Մերձավոր Արևելքում հակամարտությունները կավարտվեն 2025 թվականին. Լուկաշենկո
Բելառուսի նախագահ Ալեքսանդր Լուկաշենկոն կարծիք է հայտնել, որ Ուկրաինայում և Մերձավոր Արևելքում հակամարտությունները կավարտվեն այս տարի։
«Ուկրաինան շատ փոքր է, որպեսզի կործանի աշխարհը, որտեղ մենք բոլորս ապրում ենք՝ ԱՄՆ-ը, Չինաստանը, Ռուսաստանը և Ուկրաինան, ուստի, մենք պետք է ավարտենք Ուկրաինայի հետ։ Ավելի հեշտ կլինի վերջ տալ Մերձավոր Արևելքին, եթե դա ցանկանան ամերիկացիները, ինձ թվում է, որ այս տարի մենք կլուծենք այդ խնդիրները»,- մեջբերում է Բելտա գործակալությունը Լուկաշենկոյի հայտարարությունները ամերիկացի բլոգեր Մարիո Նաուֆալի հետ հարցազրույցից։
Լուկաշենկոն լավատեսորեն է գնահատել նաև Միացյալ Նահանգների նախագահ Դոնալդ Թրամփի վարչակազմի աշխատանքը՝ նշելով Ուկրաինայում և Մերձավոր Արևելքում հակամարտությունը դադարեցնելու նրա ցանկությունը։
