Զելենսկին «կծել է իրեն կերակրողի ձեռքը». Քերոլայն Լևիտ

ԱՄՆ-ն ու ամերիկացիները հոգնել են ուկրաինական հակամարտությունը ֆինանսավորելուց, և Վլադիմիր Զելենսկին «կծել է իրեն կերակրողի ձեռքը»։ Այս մասին Fox News-ին տված հարցազրույցում հայտարարել է Սպիտակ տան մամուլի քարտուղար Քերոլայն Լևիտը։

«Նախագահ Թրամփը ցանկանում է բանակցություններ վարել գործարքի շուրջ: Ցավոք, պարզվում է, որ Զելենսկին պարզապես դեռ չի ցանկանում դա», - ՌԻԱ Նովոստին մեջբերում է Լևիտի խոսքերը:

Նա հավելել է, որ անցած ուրբաթ Զելենսկին մեկ քայլ էր հեռու ԱՄՆ-ի հետ հանքային ռեսուրսների մասին համաձայնագրի ստորագրումից, որը կարող էր լինել նրա տնտեսական փրկությունը։

«Սակայն դրա փոխարեն ուկրաինացի քաղաքական գործիչը որոշել է «սայլը դնել ձիու առաջ» և «կծել ձեռքը, որը կերակրում է իրեն»»,- ընդգծել է մամուլի քարտուղարը։