Ամերիկացի ուսանողները կձերբակալվեն կամ կհեռացվեն, ցույցերի կազմակերպիչները՝ կարտաքսվեն. Թրամփ
Ամերիկյան քոլեջները, դպրոցները կամ համալսարանները, որոնք թույլ են տալիս անօրինական բողոքի ցույցեր, կկորցնեն դաշնային ֆինանսավորումը: Այս մասին ԱՄՆ նախագահ Դոնալդ Թրամփը հայտարարել է Truth Social սոցիալական ցանցի իր էջում։
Պետության ղեկավարի խոսքով՝ ցույցերի կազմակերպիչները «կուղարկվեն բանտ կամ ընդմիշտ կարտաքսվեն այն երկիր, որտեղից նրանք եկել են»։ Ամերիկացի ուսանողները, հավելել է Թրամփը, «մշտապես կհեռացվեն կամ կձերբակալվեն»։
Ավելի վաղ Դոնալդ Թրամփը կարգադրել էր դադարեցնել Ուկրաինային ռազմական օգնությունը։ Նրա որոշմամբ՝ Կիևը չի ստանա այն զենքերը, որոնք արդեն գտնվում են եվրոպական տարածքում։
Լեհաստանի վարչապետ Դոնալդ Տուսկի խոսքերով, ամերիկյան կողմի հայտարարությունները հաստատում են լեհ-ուկրաինական սահմանին գտնվող Յասյոնոկ քաղաքի կենտրոնից ստացված հաղորդագրությունները։
