Ինչ պայմանով Թրամփը կվերսկսի Զելենսկու հետ բանակցությունները
Սպիտակ տանը տեղի ունեցած Թրամփ-Զելենսկի սկանդալային բանավեճից հետո Ուկրաինայի նախագահն ասել է, որ հավատում է, այն բանին, որ կարող է փրկել իր հարաբերությունները նախագահ Թրամփի հետ, սակայն բանակցությունները պետք է տեղի ունենան փակ դռների հետևում։
«Այն ձևաչափով, որ տեղի ունեցավ հանդիպումը, չեմ կարծում, որ մեզ՝ որպես գործընկերների, դրական կամ հավելյալ որևէ բան տվեց», - ասել է Զելենսկին։
Զելենսկին հավելել է, որ պատրաստ է հանդիպել Դոնալդ Թրամփին, եթե ԱՄՆ նախագահը կրկին հրավիրի նրան՝ «իրական խնդիրները լուծելու համար», ընդգծելով, որ Կիևը պատրաստ է Վաշինգտոնի հետ հազվագյուտ օգտակար հանածոների վերաբերյալ գործարք կնքել։
ԱՄՆ նախագահ Դոնալդ Թրամփի վարչակազմը Օվալաձև սենյակում տեղի ունեցած թեժ բանավեճից հետո շարունակել է քննադաել Զելենսկուն։
Ինչպես նաև սպիտակ տունը նշել է, որ Թրամփը պատրաստ է բնական ռեսուրսների վերաբերյալ Զելենսկու հետ բանակցությունները վերսկսելուն, բայց միայն այն պայմանով, որ նա փոխի իր դիրքորոշումը:
