Իլոն Մասկն աջակցել է ՄԱԿ-ից և ՆԱՏՕ-ից ԱՄՆ-ի դուրս գալու գաղափարին
Միլիարդատեր և ԱՄՆ կառավարության աշխատանքի արդյունավետության բարձրացման գերատեսչության ղեկավար Իլոն Մասկն աջակցել է ՄԱԿ-ից և ՆԱՏՕ-ից ԱՄՆ-ի դուրս գալու գաղափարին:
Ավելի վաղ ՄԱԿ-ից դուրս գալու առաջարկը քննարկման էր դրվել Կոնգրեսում։
«Ես համաձայն եմ», - գրել Է Իլոն Մասկը X սոցցանցում: Իր գրառմամբ Մասկը պատասխանել է մեկ այլ օգտատիրոջ հրապարակմանը, որը գրել է, թե ժամանակն է, որ ԱՄՆ-ն հեռանա ՄԱԿ-ից և Հյուսիսատլանտյան դաշինքից:
Հիշեցնենք, որ փետրվարի 21-ին մի խումբ հանրապետական սենատորներ Կոնգրես են ներկայացրել ՄԱԿ-ին՝ ԱՄՆ-ի անդամակցությունը դադարեցնելու մասին օրինագիծ: Այս առաջարկով Միացյալ Նահանգների համար սահմանափակում է խաղաղապահ առաքելություններին մասնակցելու հնարավորությունը: Փաստաթուղթը նախատեսում է նաև առանց Սենատի հավանության՝ կազմակերպություն վերադառնալու արգելք: Հավելենք, որ փետրվարի սկզբին ԱՄՆ-ը դուրս է եկել ՄԱԿ-ի Մարդու իրավունքների խորհրդից։
