Զելենսկին անդրադարձել է Թրամփի կոչին
Ուկրաինան խաղաղություն է ցանկանում, բայց կարծում է, որ դա տեղի ունենալու համար պետք է կատարվեն մի քանի պայմաններ։ Այդ մասին Վլադիմիր Զելենսկին հայտարարել է Fox News-ին տված հարցազրույցում՝ մեկնաբանելով ԱՄՆ նախագահ Դոնալդ Թրամփի համապատասխան կոչը։
«Մենք խաղաղություն ենք ուզում, դրա համար ես ԱՄՆ-ում եմ: Այդ իսկ պատճառով ես եկել եմ նախագահ Թրամփի մոտ և շնորհակալություն հայտնել հրավերի համար: Հանքանյութերի վերաբերյալ գործարքը քայլ է դեպի խաղաղություն»,- ասել է Զելենսկին:
Զելենսկին նաև հավելել է, որ խաղաղության հասնելու համար Ուկրաինան «պետք է ավելի ամուր դիրքերում լինի»։
«Սա նշանակում է, որ մենք պետք է ունենանք հզոր բանակ, մեզ պետք է աջակցեն մեր գործընկերները և մենք պետք է ունենանք անվտանգության երաշխիքներ»,- ասել է նա։
Ավելի վաղ Թրամփը հայտարարել էր, որ բանակցությունները վերսկսելու համար Զելենսկին պետք է ասի «որ խաղաղություն է ուզում»։ Հարցազրուցավարը Զելենսկիին ուղղակիորեն հարցրել է, թե արդյոք նա պատրաստ է ասել այս խոսքերը։
