Թրամփը՝ Պուտինին վստահելու և ստուգելու մասին
ԱՄՆ նախագահ Դոնալդ Թրամփը հայտարարել է, որ եթե ռուս-ուկրաինական հակամարտությունը շուտափույթ լուծում չստանա, ապա այն կարող է ընդհանրապես չավարտվել։ Այս մասին հայտնում է Euronews-ը։
«Մենք շատ ենք աշխատում այդ պատերազմն ավարտին հասցնելու համար։ Արդեն իսկ կա մեծ առաջընթաց, ամեն ինչ շատ արագ է առաջ ընթանում։ Գործողությունների հետագա ընթացքի մասին նույնպես տեղեկացված կլինեք։ Կա՛մ դա տեղի կունենա բավական արագ, կա՛մ ընդհանրապես տեղի չի ունենա», - ասել է Թրամփը:
Լրագրողների հետ հանդիպմանը ԱՄՆ ղեկավարին հարց էին ուղղել՝ արդյոք նա կարող է վստահել ՌԴ նախագահ Վլադիմիր Պուտինին։
«Վստահել և ստուգել։ Ես վստահ եմ, որ երբ մենք համաձայնագիր կնքենք, այն կպահպանվի», - նշել է Թրամփը
Թրամփի խոսքով՝ հարկավոր է ստուգել, որովհետև երբեք չգիտես, թե ինչ տեղի կունենա։
