Գլուխ չենք խոնարհի ավազակների առաջ. Փեզեշքիան

ԱՄՆ-ի հետ բանակցությունները կարող են վերսկսվել, եթե ամերիկյան իշխանություններն ապացուցեն իրենց բանակցելու ունակությունը։ Այս մասին հայտարարել է Իրանի նախագահ Մասուդ Փեզեշքիանը:

Նրա խոսքով՝ ամերիկացիների համար բանակցելու առանցքային պայմանն այն է, որ Իրանը զենք չունենա։ 

«Մենք մի ասացվածք ունենք. սկզբում ապացուցիր քո ազգակցական կապը, հետո պահանջիր ժառանգությունդ: Ոմանք ասում են, որ մենք այլ տարբերակ չունենք, քան բանակցային սեղանի շուրջ գալ: Սակայն մենք չենք ասել, որ չենք բանակցելու։ Մենք պարզապես գլուխ չենք խոնարհի ավազակների առաջ»,- ասել է Իրանի նախագահը:

Ավելի վաղ ԱՄՆ նախագահ Դոնալդ Թրամփն ասել էր, որ կնախընտրեր Իրանի հետ համաձայնության գալ միջուկային հարցի շուրջ, քան «ռմբակոծել այն»: