Զելենսկին չի ստորագրի համաձայնագիրը․ The Economist
Վլադիմիր Զելենսկին չի ստորագրի Միացյալ Նահանգների հետ տնտեսական երկրորդ համաձայնագիրը, եթե այն Ուկրաինայի համար անվտանգության երաշխիքներ չներառի։ Այս մասին հայտնել է The Economist ամսագիրը:
Ուկրաինան մտադիր է ԱՄՆ-ի հետ համաձայնագիր ստորագրել հանքային պաշարների համատեղ արդյունահանման մասին։ Համաձայնագրում նշվում է Ուկրաինայի համար համատեղ ներդրումային հիմնադրամ ստեղծելու երկու կողմերի մտադրությունը։ Ակնկալվում է, որ Կիևի հիմնադրամին կփոխանցվի պետական ռեսուրսների նախագծերից ստացված եկամուտների 50 տոկոսը։
«Զելենսկին մտադիր չէ ստորագրել որևէ երկրորդ, ավելի ամբողջական համաձայնագիր, որը չի ներառի անվտանգության ավելի լայն երաշխիքներ»,- գրել է պարբերականը։
