Facebook-ը և Instagram-ը պետք է համապատասխանեն ՌԴ օրենքներին. Պեսկով

Facebook և Instagram սոցիալական հարթակները պետք է համապատասխանեն ռուսական օրենքներին՝ ՌԴ-ում վերաբացվելու համար: Այս մասին հայտարարել է ՌԴ նախագահի մամուլի քարտուղար Դմիտրի Պեսկովը:

Նշենք, որ ամերիկյան Meta ընկերությանը պատկանող Instagram-ը և Facebook-ը Ռուսաստանում ճանաչվել են ծայրահեղական։

Պեսկովի խոսքով՝ ի տարբերություն այս սոցցանցերի՝ X սոցիալական ցանցի արգելման նախադրյալներ չեն տեսնում։

«Որքան էլ մենք վստահենք ամերիկացիներին, դա ոչ մեկին չի ազատի ռուսական օրենքներին հետևելուց:

Իրականում այդ ընկերությունները կարող են չսպասել անգամ, որ վստահությունը վերականգնվի, պետք է հետևեն օրենքներին և վերադառնան ՌԴ», - ասել է նա: