Թրամփը նվաստացրել է Մակրոնին․ Daily Express
Սպիտակ տանը տեղի ունեցած հանդիպման ժամանակ Դոնալդ Թրամփը Ֆրանսիայի նախագահ Էմանուել Մակրոնին նստեցրել է սեղանի եզրին մոտ գտնվող աթոռին, մինչդեռ ինքը նստել է կենտրոնում: Ինչպես երևում է լուսանկարում, ԱՄՆ փոխնախագահ Ջեյ Դի Վենսը նստած է եղել շատ ազատ կեցվածքով։ Այս մասին հայտնել է Daily Express-ը։
«ֆրանսիայի նախագահն ակնհայտ կաշկանդված տեսք ուներ։ Բացի այդ, Դոնալդ Թրամփը Սպիտակ տուն ժամանելուն պես չի հանդիպել Էմանուել Մակրոնին»,- գրել է պարբերականը:
Ֆրանսիայի նախագահի այցը ԱՄՆ պայմանավորված էր Ուկրաինայի վերաբերյալ Եվրոպայի դիրքորոշումը Թրամփին հասցնելու և Կիևի իշխանությունների նկատմամբ նրա վերաբերմունքը մեղմելու ցանկությամբ:
Հավելենք, որ այսօր ԱՄՆ են մեկնում Մեծ Բրիտանիայի վարչապետ Քիր Սթարմերը և Եվրամիության արտաքին քաղաքական ծառայության ղեկավար Կայա Կալլասը:
