Լեհաստանը կընդունի ԱՄՆ-ի լրացուցիչ զորակազմին․ Դուդա
Լեհաստանը կընդունի ԱՄՆ-ի լրացուցիչ զորակազմին, եթե Գերմանիայի նոր կառավարությունը հրաժարվի դրանից: Այս մասին Լեհաստանի նախագահ Անջեյ Դուդան հայտնել է Polsat հեռուստաալիքին:
«Եթե Գերմանիան չի ցանկանում ամերիկյան զորքեր, չի ցանկանում գործընկերություն Միացյալ Նահանգների հետ, ապա մենք մեծ հոժարակամությամբ կընդունենք ԱՄՆ-ի հետ գործընկերությունը: Որպես Լեհաստանի նախագահ, ես կարող եմ ողջ պատասխանատվությամբ ասել, շահագրգռված եմ այն հարցում, որ ողջ համագործակցությունը, ինչը Գերմանիան ունի ԱՄՆ-ի հետ, տեղափոխվի Լեհաստան», - ասել է Դուդան։
Նա այսպես է մեկնաբանել Բունդեսթագի ընտրություններում առավելագույն ձայներ հավաքած Գերմանիայի դաշնային կանցլերի թեկնածու Ֆրիդրիխ Մերցի հայտարարությունը ԱՄՆ-ի հետ գործընկերությունից հրաժարվելու մասին։
Պատասխանելով Եվրամիության շրջանակներում ընդհանուր բանակ ստեղծելու հարցին՝ Դուդան հայտարարել է․
«Լեհաստանի համար հուսալի դաշնակիցն առաջին հերթին ԱՄՆ-ն է, որը վերջին հարյուր տարվա ընթացքում քանիցս ցույց է տվել, որ վերադառնալով խաղին՝ ի վիճակի է ընդհատել ցանկացած զինված հակամարտություն, դադարեցնել այն»։
