Ակնկալում ենք որ այդ հանդիպումները տեղի կունենան շատ շուտ. Սպիտակ տուն
ԱՄՆ-ն հույս ունի, որ նախագահ Թրամփը շատ շուտ կհանդիպի Ռուսաստանի նախագահ Վլադիմիր Պուտինի և Ուկրաինայի նախագահ Վլադիմիր Զելենսկու հետ։ Այս մասին Սպիտակ տան մամուլի քարտուղար Քերոլայն Լիվիթը հայտարարել է «Fox News» հեռուստաալիքի եթերում:
«Սպիտակ տունը ակնկալում է, որ այդ հանդիպումները տեղի կունենան շատ շուտ, հատկապես Զելենսկու հետ»,- ասել է նա:
Լիվիթի խոսքով՝ Թրամփը ձգտում է Զելենսկու հետ օգտակար հանածոների շահագործման համաձայնագիր ստորագրել, որպեսզի վերադարձնի ամերիկացի հարկատուներին Կիևին օգնության համար ծախսված գումարները։
Ավելի վաղ Թրամփն Օվալաձև աշխատասենյակում լրագրողներին հայտարարել էր, որ ցանկանում է հանդիպել Պուտինի հետ։
