Պեսկովը՝ ԵՄ-ի հետ հնարավոր բանակցությունների մասին
Մոսկվան դեռ նախադրյալներ չի տեսնում Եվրոպայի երկրների հետ երկխոսության վերսկսման համար։ Այս մասին «Ռիա Նովոստիին» ասել է ՌԴ նախագահի մամուլի քարտուղար Դմիտրի Պեսկովը։
«Եվրամիությունը փետրվարի 24-ին ՌԴ-ի դեմ պատժամիջոցների նոր փաթեթ է ընդունել, որը ենթադրում է սահմանափակումներ ռուսական մի շարք բանկերի, ԶԼՄ-ների, ծովային նավերի դեմ: Բրյուսելի որոշումն ընդունվել է Ռուսաստանի և ԱՄՆ-ի հարաբերություններում որոշակի տեղաշարժերի ֆոնին։ Փետրվարի 18-ին Էր Ռիադում կայացած հանդիպման ժամանակ երկու երկրների ներկայացուցիչները պայմանավորվել են, մասնավորապես, զբաղվել Մոսկվայում և Վաշինգտոնում դեսպանությունների աշխատանքի կարգավորմամբ»,- նշել է Պեսկովը:
Հիշեցնենք, որ ավելի վաղ ԵՄ-ն հաստատել էր ՌԴ-ի դեմ պատժամիջոցների 16-րդ փաթեթը։ Եվրամիության սև ցուցակում հայտնվել է 48 ֆիզիկական և 35 իրավաբանական անձ: Սահմանափակումները վերաբերում էին նաև ռուսական որոշ լրատվամիջոցների:
