Իսրայելի գործողություններն ուժեղացնում են ցեղասպանությունը․ Պաղեստինի ԱԳՆ

Իսրայելի կողմից Հորդանան գետի արևմտյան ափին գտնվող պաղեստինյան Ջենին քաղաքի տարածք տանկեր ուղարկելը ուղղված է ցեղասպանության ուժեղացմանը։ Այս մասին հայտարարությամբ է հանդես եկել Պաղեստինի ԱԳՆ-ն։

ԱԳՆ-ն  Իսրայելի  գործողությունները գնահատել է  հետևյալ կերպ  «պաղեստինյան ժողովրդի դեմ հանցագործությունների վտանգավոր էսկալացիա և ընդլայնում», իսկ իսրայելական  տանկերի ուղարկումը նշանակում է՝ «անզեն բնակչության նկատմամբ ցեղասպանության և դուրս մղման քաղաքականության ուժեղացման բացահայտ փորձ»:

«Միջազգային միջամտությունը այս պահին շտապ անհրաժեշտ է օկուպանտի հարձակումները կանխելու համար, որոնք իրականացվում են, չնայած օրենքներին և ստորագրված համաձայնագրերին, ինչպես նաև ստիպելու  նրան դադարեցնել ագրեսիան պաղեստինցի ժողովրդի և նրա իրավունքների դեմ, որոնցից գլխավորը սեփական հողում մնալու իրավունքն է», - ընդգծել է նախարարությունը:

Ավելի վաղ հայտնի էր դարձել, որ Իսրայելը 20 տարվա մեջ առաջին անգամ տանկեր է ուղարկում Ջենինի շրջան և ընդլայնում է մեկ ամիս առաջ սկսված հակաահաբեկչական գործողությունը Հորդանան գետի  հյուսիսում: