Հռոմի պապի մոտ երկկողմանի թոքաբորբ է սկսվել
Հռոմի պապ Ֆրանցիսկոսը տառապում է երկկողմանի թոքաբորբով։ Այս մասին ասված է Սուրբ Աթոռի մամուլի ծառայության հաղորդագրության մեջ, գրում է ТАСС-ը։
«Այս կեսօրին կատարված կրծքավանդակի համակարգչային տոմոգրաֆիան ցույց է տվել երկկողմանի թոքաբորբի սկիզբ, որը պահանջում է հետագա բժշկական թերապիա», - ասվում է հաղորդագրության մեջ:
Նշվում է, որ 88-ամյա պոնտիֆիկոսի ընդհանուր վիճակը կայուն է, թեև «ընդհանուր կլինիկական պատկերը մնում է բարդ»։
