Լիբանանը Սիրիային է փոխանցել Ասադի տապալումից հետո երկիրը լքած զինվորականներին
Լիբանանի բանակը մոտ 70 սիրիացի զինվորական է տեղափոխել Դամասկոս, այդ թվում՝ սպաների, ովքեր լքել են երկիրը Սիրիայի նախկին նախագահ Բաշար ալ-Ասադի տապալումից հետո։ Այս մասին հայտնում է Reuters-ը՝ հղում անելով լիբանանյան հետախուզական ծառայություններին։
Վերադարձողները ձերբակալվել են Սիրիայի սահմանը հատելուց անմիջապես հետո։
Մարդու իրավունքների սիրիական դիտորդական կենտրոնի տվյալներով՝ ձերբակալվածներին երեք ավտոբուսներով տեղափոխել են սիրիական տարածք՝ լիբանանյան բանակի հետախուզության աշխատակիցների և անվտանգության աշխատակիցների ուղեկցությամբ։
