Ժամանակավորապես կարգելվի ՀՀ-ից հացահատիկի, արևածաղկի ձեթի արտահանումը
2025 թ. հունվարի 4-ից մինչև 2025 թ. հուլիսի 4-ը (ևս 6 ամսով) ժամանակավորապես կարգելվի ՀՀ-ից ԵԱՏՄ անդամ չհանդիսացող երկրներ մի շարք գյուղատնտեսական արտադրատեսակների, այդ թվում՝ ցորեն, մեսլին, գարի, եգիպտացորեն, հնդկացորեն, արևածաղկի սերմ, արևածաղկի ձեթ արտահանումը:
«Նշված ապրանքների մասով ներքին արտադրությունը չի բավարարում ՀՀ շուկայի պահանջարկը, ինչն ապահովվում է հիմնականում ներմուծման ծավալների հաշվին։ Որոշումն ուղղված է ՀՀ պարենային անվտանգության և տնտեսության կայունացման ապահովմանը»,-ասված է որոշման մեջ։
Նշվում է, որ սահմանվող արգելքը չի տարածվելու Հայաստան ներմուծված և «Վերարտահանում» մաքսային ընթացակարգով ձևակերպված ՀՀ-ից արտահանվող ապրանքների վրա։
