2025 թ. համար ունենք հստակ խնդիր. ֆինանսների նախարար
Խորհրդարանը հրատապ ընթացակարգով քննարկում է 2025թ. պետական բյուջեի նախագիծը, որի մասին զեկույցով հանդես է գալիս ՀՀ ֆինանսների նախարար Վահե Հովհաննիսյանը։ Նախարարի խոսքով՝ 2025 թ. համար ունենք հստակ խնդիր։
«Կենտրոնացնել ուժերը և ապահովել կառավարության ծրագրի էական առաջընթաց՝ խնայելով հնարավորության սահմաններում և ֆինանասավորել այն ծրագրերը, որոնք միտված են երկարաժամկետ հեռանկարով երաշխավորելու Հայաստանի անվտանգությունը, քաղաքացիների կենսամակարդակը, ինչպես նաև նպաստել տնտեսության ներուժի ընդլայնմանը»,- ասաց Հովհաննիսյանը։։
Նշենք՝ վարչապետ Նիկոլ Փաշինյանն ու կառավարության անդամները նույնպես ԱԺ-ում են։
