Իլոն Մասկը գերազանցել է սեփական ռեկորդը
Ամերիկացի միլիարդատեր, X սոցիալական ցանցի սեփականատեր, SpaceX-ի և Tesla-ի գործադիր տնօրեն Իլոն Մասկը գերազանցել է սեփական ռեկորդը և կրկին դարձել աշխարհի ամենահարուստ մարդը՝ հայտնում է Bloomberg-ը։
«Իլոն Մասկի կարողությունը ուրբաթ օրը հասել է պատմական առավելագույնին` 347,8 միլիարդ դոլար»,- ասվում է հրատարակության մեջ:
Հրատարակության համաձայն՝ այս արդյունքը մասամբ պայմանավորված է Tesla-ի բաժնետոմսերի շարունակական աճով։ Նաև ԱՄՆ ընտրություններում Դոնալդ Թրամփի հաղթանակը գործարարին բերեց քաղաքական ուշադրության կենտրոնում։ Նախորդ ռեկորդը՝ 340,4 միլիարդ, Մասկը սահմանել էր 2021 թվականի նոյեմբերին։
Bloomberg-ի վարկանիշային աղյուսակի երկրորդ տեղը զբաղեցնում է Ջեֆ Բեզոսը՝ 219 մլրդ դոլարով։
